श्रीमद भागवत ज्ञानयज्ञ २६ फेब्रुवारीपासून लाव्हा येथे !
# आचार्य अमरीश शर्मा कथा सांगतील!
वाडी (प्र.) : वाडी-खडगाव रस्त्यावरील लाव्हा परिसरात स्थापित श्री राधामोहन खाटू श्याम बाबा मंदिरात रविवार २६ पासून सात दिवसीय श्रीमद भागवत ज्ञानयज्ञ कथा सुरू झाल्याची माहिती आयोजन अधिकाऱ्यांनी दिली आहे.
२६ फेब्रुवारी रोजी दुपारी १२ वाजता कलशयात्रा कार्यक्रमस्थळी काढण्यात येणार आहे. २६ फेब्रुवारी ते ४ मार्च या कालावधीत कथाकार आचार्य अमरीश शर्मा दररोज दुपारी ३ ते ६ या वेळेत आपल्या अभंगात भगवत गीता सुमधुरपणे सांगतील. व दररोज सकाळी ७ ते ९.३० या वेळेत महाप्रसादाचे वाटप करण्यात येणार आहे. ४ मार्च रोजी मुख्य कथेच्या कार्यक्रमासोबतच ब्रजची होळीही होणार असून शेवटच्या सातव्या दिवशी महापूजा, पूर्ण आहुती व महाप्रसाद वाटप करण्यात येणार आहे. यासोबतच खाटू श्याम बाबांच्या फाल्गुन जत्रेचेही आयोजन २५ फेब्रुवारी ते १५ मार्च दरम्यान करण्यात आले आहे.
या भागवत महायज्ञ कथा सागर व मेळाव्याचा भाविकांनी मोठ्या संख्येने लाभ घ्यावा असे आवाहन आयोजन समितीच्या पदाधिकाऱ्यांनी केले आहे.
